କ୍ରିକେଟକୁ ଅଲବିଦା କହିଲେ ୨୦୧୧ ବିଶ୍ୱକପ୍‌ ହିରୋ

6 days ago 18

କଲମ୍ବୋ, ୨୩।୨ : ୨୦୧୧ ବିଶ୍ୱକପ୍‌ ହିରୋ ତଥା ଶ୍ରୀଲଙ୍କା ଦଳର ଭେଟେରାନ ଓପନର ଉପୁଲ ଥରଙ୍ଗା ମଙ୍ଗଳବାର ଅନ୍ତର୍ଜାତୀୟ କ୍ରିକେଟରୁ ଅବସର ଘୋଷଣା କରିଛନ୍ତି। ୧୫ ବର୍ଷର ଲମ୍ବା ଅନ୍ତର୍ଜାତୀୟ କ୍ୟାରିୟରରେ ସେ ଶ୍ରୀଲଙ୍କା ଦଳର ଅଧିନାୟକ ହେବାର ସମ୍ମାନ ମଧ୍ୟ ପାଇଥିଲେ। ଅନ୍ତିମ ଥର ୨୦୧୯ରେ ଦେଶ ପକ୍ଷରୁ ପ୍ରତିନିଧିତ୍ୱ କରିଥିଲେ ୩୬ ବର୍ଷୀୟ ଥରଙ୍ଗା। ” ମୁଁ ଅନ୍ତର୍ଜାତୀୟ କ୍ରିକେଟରୁ ସନ୍ନ୍ୟାସ ଲାଗି ନିଷ୍ପତ୍ତି ନେଇସାରିଛି “ ବୋଲି ଥରଙ୍ଗା ଟୁଇଟର ହ୍ୟାଣ୍ଡେଲରେ ଲେଖିଛନ୍ତି।

ଉଲ୍ଲେଖଥାଉ କି, ଭାରତରେ ଖେଳାଯାଇଥିବା ୨୦୧୧ ଆଇସିସି ବିଶ୍ୱକପ୍‌ରେ ଥରଙ୍ଗା ଶ୍ରୀଲଙ୍କା ପାଇଁ ତିଲକରତ୍ନେ ଦିଲଶାନଙ୍କ ପରେ ସର୍ବାଧିକ ରନ୍‌ ସ୍କୋରର ଥିଲେ। ଆଉ ପୂରା ଟୁର୍ନାମେଣ୍ଟରେ ସର୍ବାଧିକ ରନ୍‌ ସଂଗ୍ରହକାରୀ ବ୍ୟାଟ୍ସମ୍ୟାନଙ୍କ ମଧ୍ୟରେ ପଞ୍ଚମ ସ୍ଥାନରେ ଥିଲେ ଥରଙ୍ଗା। ୨୦୦୫ରେ ଅନ୍ତର୍ଜାତୀୟ କ୍ୟାରିୟର ଆରମ୍ଭ କରିଥିବା ଏହି ବାମହାତୀ ବ୍ୟାଟ୍ସମ୍ୟାନ ୩୧ ଟେଷ୍ଟରୁ ୩ ଶତକ ଓ ୮ ଅର୍ଦ୍ଧଶତକ ସହ କରିଥିଲେ ୧୭୫୪ ରନ୍‌। ତେବେ ଦିନିକିଆ ଫର୍ମାଟରେ ତାଙ୍କୁ ମିଳିଥିଲା ସର୍ବାଧିକ ସଫଳତା। ୨୩୫ ମ୍ୟାଚ୍‌ରେ ୬,୯୫୧ ରନ୍‌ ସ୍କୋର କରିଥିଲେ ଥରଙ୍ଗା। ଏଥିରେ ସାମିଲ ଥିଲା ୧୫ ଶତକ ଓ ୩୭ ଅର୍ଦ୍ଧଶତକ। ୨୬ଟି ଟି୨୦ ମ୍ୟାଚ୍‌ ଖେଳି ସଂଗ୍ରହ କରିଥିଲେ ୪୦୭ ରନ୍‌।

The post କ୍ରିକେଟକୁ ଅଲବିଦା କହିଲେ ୨୦୧୧ ବିଶ୍ୱକପ୍‌ ହିରୋ appeared first on Dharitri Odia News.

Read Entire Article